കക്കയം ടൂറിസ്റ്റ് കേന്ദ്രത്തിൽ ബഗ്ഗി സർവീസ് ഫ്ലാഗ് ഓഫ് ചെയ്തു

 കക്കയം ഹൈഡൽ ടൂറിസത്തിന്റെ ഭാഗമായി ഡാം സൈറ്റിൽ നിന്നും ഉരക്കുഴിവരെ റോഡ് ടാറിങ് ചെയ്ത് നവീകരിച്ചതോടെ പുതുതായി ആരംഭിച്ച ബഗ്ഗി സർവീസ് മുൻ ഹൈഡൽ ടൂറിസം അസി. എക്സിക്യൂട്ടീവ് എൻജിനീയർ പി. സുരേഷ്കുമാർ ഫ്ലാഗ് ഓഫ് ചെയ്തു. ഒന്നര കിലോമീറ്ററോളം ദൂരം ബാറ്ററിയിൽ പ്രവർത്തിക്കുന്ന വാഹനത്തിൽ സഞ്ചരിക്കുന്നതിന് ഒരാൾക്ക് 20 രൂപയാണ് ഈടാക്കുന്നത്. മെംബർ ആൻഡ്രൂസ് കട്ടിക്കാന ഉദ്ഘാടനം ചെയ്തു. ഹൈഡൽ ടൂറിസം അസി. എക്സിക്യൂട്ടീവ് എൻജിനീയർ സി. അബ്ദുൽ റഹിം അധ്യക്ഷത വഹിച്ചു. അസി. എൻജിനീയർ കൃഷ്ണൻ മാപ്പിടിശേരി, അസി. മാനേജർ സി.എം. ലനീഷ്, എച്ച്.ആർ. മാനേജർ രജിത്ത്, ഷിബിൻ ജോസ് പരീക്കൽ എന്നിവർ പ്രസംഗിച്ചു.