2014 Sep 09 | View Count: 356

ആവശ്യമുള്ള സാധനങ്ങള്‍

ചക്ക – 3 കപ്പ്‌ (വിളഞ്ഞ പച്ച ചക്ക)

ഉപ്പ് – പാകത്തിന്

അരപ്പിന് ആവശ്യമായ സാധനങ്ങള്‍

തേങ്ങ (തിരുമ്മിയത്‌)   –    1 കപ്പ്

വെളുത്തുള്ളി        –    7 – 8 അല്ലി

ജീരകം             –    അര സ്പൂണ്‍

മുളക് (കാന്താരി / വറ്റല്‍)-   5

മഞ്ഞള്‍പ്പൊടി        –    അര സ്പൂണ്‍

ഉപ്പ്‌               –    പാകത്തിനു

മുളക് പൊടി        –    2 സ്പൂണ്‍

കറിവേപ്പില         –    1 തണ്ട്

പാചകം ചെയ്യുന്ന വിധം

നല്ല പച്ച ചക്കചുള ചെറിയ കഷണങ്ങള്‍ ആക്കുക .ഇത് ആവശ്യത്തിന് (3 കപ്പിന് 1 കപ്പ്‌ വെള്ളം മതിയാകും ) വെള്ളവും തേങ്ങ അരച്ചതും പാകത്തിന് ഉപ്പും ചേര്‍ത്ത് തട്ടി പൊത്തി അടച്ച് വേവിക്കുക .ചക്ക പാകത്തിന് വെന്തു കഴിഞ്ഞാല്‍ തീ അണച്ച് നല്ലത് പോലെ ഒരു കട്ടിയുള്ള തവി കൊണ്ട് ഇളക്കി ചേര്‍ക്കുക .ചക്ക വേവിച്ചത് തയ്യാര്‍ .(2-3 ചക്കകുരു കൂടി ചെറിയ കഷണങ്ങള്‍ ആക്കിയത് ചേര്‍ത്താല്‍ നല്ലതാണ് )

ഇത് ചൂടോടെ നെയ്യ് അല്ലെങ്കില്‍ വെളിച്ചെണ്ണ ചേര്‍ത്ത് കുഴച്ചു കഴിക്കാന്‍ നല്ല സ്വാദാണ്.

Posted by : Guest, 2014 Sep 09 04:09:58 pm