2018 Apr 17 | View Count:1308
കൂരാച്ചുണ്ടിലെ നവമാധ്യമകൂട്ടായ്മയായ കൂരാച്ചുണ്ട് മലയോരം ഫെയ്‌സ്ബുക്ക് 'ടേക്ക് ഓഫ്' സിനിമയിലെ യഥാര്‍ഥ നായിക മെറീനാ ജോസിന് സമാന്തര ഫിലിം പുരസ്‌കാരം പ്രഖ്യാപിച്ചു. അമ്പതിനായിരം രൂപയും പ്രശസ്തിപത്രവുമാണ് പുരസ്‌കാരം. കൂരാച്ചുണ്ടില്‍ 26-ന് നടക്കുന്ന ചടങ്ങില്‍ സംവിധായകന്‍ പി.ടി.കുഞ്ഞിമുഹമ്മദ് പുരസ്‌കാരദാനം നടത്തുമെന്ന് കൂട്ടായ്മ പ്രവര്‍ത്തകരായ കുഞ്ഞമ്മദ് കൂരാച്ചുണ്ട്, മൂസ എരവത്ത്, ഇ.ടി.നിഥിന്‍, പ്രജീഷ് ചന്ദ്രന്‍ എന്നിവര്‍ പത്രസമ്മേളനത്തില്‍ അറിയിച്ചു.  ഇറാഖില്‍ ഭീകരരുടെ പിടിയിലകപ്പെട്ട മെറീനയുടെ അനുഭവങ്ങളും അവര്‍ പകര്‍ത്തിയ ചിത്രങ്ങളും സിനിമയില്‍ ഉപയോഗിച്ചു. സിനിമ വന്‍വിജയമായിട്ടും യഥാര്‍ഥനായികയെ സിനിമാപ്രവര്‍ത്തകര്‍ യാതൊരു സഹായവും നല്‍കാതെ വഞ്ചിച്ചതായി നവമാധ്യമ കൂട്ടായ്മാ പ്രവര്‍ത്തകര്‍ ചൂണ്ടിക്കാട്ടി. ഇതിനുള്ള ...
By:admin
2017 Apr 10 | View Count:1459
വനം വകുപ്പ് അധികൃതരുടെ മനുഷ്യാവകാശ ലംഘനത്തിൽ പ്രതിഷേധിച്ച് കക്കയം നിവാസികൾ ബഹുജന പ്രക്ഷോഭത്തിലേക്ക്. ജനവാസ കേന്ദ്രത്തിൽ കക്കയം അങ്ങാടിക്കടുത്തുള്ള വന സംരക്ഷണ സമിതി കൗണ്ടർ മാറ്റി സ്ഥാപിക്കുക,. കർഷകരെ കുടിയിറക്കാനുള്ള ഗൂഢനീക്കം അവസാനിപ്പിക്കുക, വന്യമൃഗശല്യം പരിഹരിച്ച് കർഷകർക്കു നഷ്ടപരിഹാരം നൽകുക എന്നീ ആവശ്യങ്ങളുന്നയിച്ച് സമരം സംഘടിപ്പിക്കുന്നതിന് കക്കയം പാരിഷ് ഹാളിൽ ചേർന്ന ജനകീയ കൺവൻഷൻ തീരുമാനിച്ചു.  കക്കയം നിവാസികളായ ജനങ്ങൾ, ബന്ധുക്കൾ എന്നിവരിൽ നിന്നുപോലും 40 രൂപ ഫീസ് ഈടാക്കുന്നതായാണ് നാട്ടുകാരുടെ പരാതി. 23ന് കക്കയം വന സംരക്ഷണ സമിതി കൗണ്ടർ ഓഫിസ് ഉപരോധിക്കുന്നതിന് തീരുമാനിച്ചു. നാട്ടുകാർ കക്കയത്ത് പ്രതിഷേധ പ്രകടനവു നടത്തി. വിഫാം കർഷക ക്ലബ് അഡ്വൈസർ ഫാ. ജോർജ് തീണ്ടാപ്പാറ ഉദ്ഘാടനം ചെയ്തു. കക്കയം പള്ളി വികാരി ഫാ. അഗസ്റ്റിൻ ...
By:admin
2017 Apr 09 | View Count:1390
സമസ്ത കേരള ജംഇയ്യത്തുൽ ഉലമ നവോത്ഥാന ക്യാംപെയ്ന്റെ ഭാഗമായി എസ്‌വൈഎസ് ബാലുശ്ശേരി മണ്ഡലം ആദർശ സമ്മേളനം ഇന്നു വൈകിട്ട് നാലിന് കൂരാച്ചുണ്ടിൽ നടക്കും.  റഫീഖ് സക്കരിയ്യ ഫൈസി സമ്മേളനം ഉദ്ഘാടനം ചെയ്യും. ഇസ്‌ലാമിനെ അടുത്തറിയുക എന്ന വിയത്തിൽ റഹ്മത്തുള്ളാഹ് ഖാസിമി മൂത്തേടം മുഖ്യ പ്രഭാഷണം നടത്തും. എസ്കെഎസ്എസ്എഫ് ജില്ലാ പ്രസിഡന്റ് സയ്യിദ് മുബഷീർ ജമുല്ലൈലി, നാസർ ഫൈസി കൂടത്തായി എന്നിവർ ചടങ്ങിൽ പങ്കെടുക്കും.  
By:admin
2017 Apr 02 | View Count:1435
കോൺഗ്രസ് മണ്ഡലം നേതൃത്വവുമായുള്ള അഭിപ്രായ വ്യത്യാസത്തെത്തുടർന്ന് പ്രവാസി കോൺഗ്രസ് സംസ്ഥാന സെക്രട്ടറിയും മണ്ഡലം കോൺഗ്രസ് സെക്രട്ടറിയുമായ ജയൻ കെ. ജോസ് കോൺഗ്രസിന്റെ പ്രാഥമികാംഗത്വം രാജിവച്ചു. പഞ്ചായത്ത് ഭരണവും പാർട്ടിയുമായി ബന്ധമില്ലെന്നും പാർട്ടി തീരുമാനങ്ങൾ മിനുട്സ് ബുക്കിൽ മാത്രം ഒതുങ്ങുന്നുവെന്നും ജയൻ കെ. ജോസ് പറഞ്ഞു. പഞ്ചായത്തിന്റെ കഴിവുകേട് മറയ്ക്കാൻ യൂത്ത് കോൺഗ്രസ് പ്രവർത്തകരെക്കൊണ്ട് മാലിന്യ വാഹനം തടയിക്കുകയാണെന്നും ആരോപിച്ചു. കർഷകർക്ക് അനുകൂല നിലപാടെടുത്തതിനാണ് പാർട്ടി വിശദീകരണം ആവശ്യപ്പെട്ടത്.    
By:admin
Displaying 5-8 of 35 results.