ജില്ലയിലെ പ്രധാന വൈദ്യുതി ഉൽപാദന , ടൂറിസ്ററ് കേന്ദ്രമായ കക്കയത്തേക്കുള്ള പ്രധാന പാലം അപകടാവസ്ഥയിലായി. പൊതുമരാമത് അധീനതയിലുള്ള കക്കയം - തലയാട് റോഡിൽ കക്കയം അങ്ങാടിക്ക് സമീപത്തെ കക്കയം പുഴക്ക് കുറുകെയുള്ള പാലം പുതുക്കി പണിയാത്തതാണ് പ്രശനം.
കോൺക്രീറ്റ്, സംരക്ഷണ ഭിത്തി എന്നിവ നശിച്ചിട്ടുണ്ട്. വീതി കുറവുള്ളതിനാൽ ഗതാഗതം വിഷമമാണ്.കക്കയം ജല വൈദ്യുതി പദ്ധതിയിൽ ഉൽപാദനശേഷം പുറന്തള്ളുന്ന വെള്ളത്തിന്റെ കുത്തോഴുക്ക് പാലത്തിന്റെ കേടുപാടുകൾക്ക് കാരണമാകുന്നുണ്ട്.
പഞ്ചായത്തിൽ 1, 13 വാർഡുകളിലുള്ള കൈതക്കൊല്ലി - ഓഞ്ഞിൽ - വെങ്കിട്ടതാഴെ റോഡ് തകർന്നു. 3 കിലോമീറ്ററുള്ള പാതയിൽ 2 കിലോമീറ്റർ ഭാഗത്ത് ടാറിങ് പൊട്ടിപ്പൊളിഞ്ഞു. പഞ്ചായത്തിന്റെ ചുമതലയിലുള്ള റോഡ് 5 വര്ഷം മുൻപാണ് തുറമുഖ വകുപ്പിന്റെ ഫണ്ടിൽ ഉൾപ്പെടുത്തി നവീകരിച്ചത്.ഒട്ടേറെ കുടുംബങ്ങളുടെ യാത്രാമാർഗ്ഗമാണ് ഇത്. ബാലുശ്ശേരി റോഡിൽ നിന്ന് പേരാമ്പ്ര റോഡിലേക്കുള്ള ബൈപാസ് റോഡ് കൂടിയാണിത്.
മുഖ്യമന്ത്രിയുടെ ദുരിതാശ്വാസ നിധിയിലേക്ക് അർബൻ സഹകരണ സംഘം തുക നൽകി. സംഘം പ്രസിഡന്റ് ജിതിൻ പതിയിൽ കൊയിലാണ്ടി അസിസ്റ്റന്റ് റജിസ്ട്രാർ ഓഫീസ് സൂപ്രണ്ട് കെ. വി. മനോജ് കുമാറിന് ചെക്ക് കൈമാറി.
പഞ്ചായത്തിലെ ജനങ്ങൾക്ക് കല്ലാനോട് സഹകരണ ബാങ്ക് സ്വർണപ്പണയ വായ്പ നൽകുന്നു.
മെയ് 2 വരെ കല്ലാനോട് പ്രധാന ശാഖയിലും കൂരാച്ചുണ്ട് ശാഖയിലും സൗകര്യം ലഭ്യമാണ്. 3 മാസക്കാലയളവിൽ ഒരാൾക്ക് 15൦൦൦ രൂപ വരെ വായ്പ നൽകുമെന്ന് ബാങ്ക് പ്രസിഡന്റ് ജോൺസൺ താന്നിക്കൽ, സെക്രട്ടറി ട്വിങ്കിൾ കെ. ചാണ്ടി എന്നിവർ അറിയിച്ചു.
Displaying 1-4 of 35 results.
426427424425